冷氣室外機淋雨會壞？真相係…

最近成日「晴天暴雨」輪住嚟，好多客人都問：「室外機咁樣日曬雨淋，使唔使幫佢遮遮啊？」

💦 其實呢…
冷氣室外機天生就係「日曬雨淋命」！

✅ 原廠設計已經防潑水、防生鏽
✅ 外殼物料專登捱得熱又抵得冷
即使經過十幾年的風吹、日曬和雨淋，也不會出現生鏽或損壞的問題。

⚠️ 反而特登同佢「擔遮」仲大鑊！
👉 遮雨棚會擋住散熱
👉 冷氣唔夠凍仲更食電
👉 嚴重仲會搞到部機過熱死機

🔧點樣可以襟用啲？
1️⃣ 俾多啲「私人空間」部機去流通空氣
2️⃣ 定期清潔散熱片，保持良好嘅散熱效果（積塵仲傷過淋雨）
3️⃣確保室外機安裝牢固穩定，唔會受到震動同強風影響